روتين العنايه بالبشرة

لازم يكون عندكم روتين بشره ( غسول - تونر او تونيك - مرطب ).

٢. لازم لازم الروتين مرتين باليوم اول ماتصحون وقبل لاتنامون.

٣. لاااازم تغسلون الميك اب ولاتنامون فيه اببد هذا ابشع شي تسونه لبشراتكم

صح نتاكسل بس الي يبي بشره صحيه يبتعد عن النوم بالميك اب.

٤. لازم نقشر وجهنا مره الى مرتين بالاسبوع مو اكثر.

٥. لازم نستخدم ماسك او قناع للوجه بشكل دوري اما يكون طبيعي نسويه بالبيت او نشتري جاهز.

٦. مووويه ، المويه سر جمال البشره ! لازم نهتم بالداخل مثل مانهتم بالخارج كثرو شرب مويه مو اقل من ٦ كاسات باليوم.

٧. لازم نستخدم واقي من الشمس حتى لو ماراح نطلع من البيت ، مره مهم لحمايه البشره 

حتى لو الجو مغيم او في مطر مايمنع انو في شمس !! مهم الواقي ويفرق بالبشره كثير.

٨. اكيد التغذيه مهمه وَ  الخضار والفواكه بشكل يومي بيبان بالبشرات.

٩. غسل الفرش تبع الميك اب لاتستهينون فيه ، وخاصه فرش الفاونديشن 

غسلوها اقل اقل شي مره بالاسبوع اذا تستخدمونها يوميا ، لان السوائل تجمع البكتيريا وبتكثر الحبوب ببشرتك.

١٠. اخر نقطه يستهينون فيها الناس ، غسل المخدات او الشراشف او البطانيه وغيره .. ترا شي مهم وَ خاصه انو الجسم 

يحتك فيه بشكل مباشر ، وممكن البكتيريا وَ الغبار يتجمع عليه وَ ابدا شي مو حلو للبشرات لازم نهتم بنظافه المكان الي حولنا.